ВИЗИЈА

 Заводот е современа, динамична и флексибилна институција со функционален тим, препознаен квалитет, капацитет и  професионален пристап, која се грижи за кариерниот и професионален развој на  своите вработени, обезбедува стимулативни услови за  работа и примена на  меѓународно прифатени стандарди. 

МИСИЈА

Заводот има мисија за обезбедување развој на компетенции и квалификации, сертифицирање,поддршка и насочување како и лична професионална промоција на давателите на социјални услуги. Заводот обезбедува актуелни информации и податоци за состојбите во областа на социјалната заштита како основа за планирање, развивање и унапредување на  квалитетот на услугите кон граѓаните.

НАМЕРА

Квалитетни  услуги кон граѓаните обезбедени во современ систем на социјална заштита кои превенираат ранливост и исклученост и овозможуваат способност за справување со социјалните  ризици и функционално живеење.

ДЕЛОКРУГ НА РАБОТА

Заводот за социјални дејности е јавна установа за унапредување на социјалната дејност, со надлежност на територија на целата држава, која согласно Законот за социјалната заштита, ги врши следниве работи:

– Следи, истражува и анализира социјални појави и проблеми;
– Предлага мерки за унапредување на дејноста социјална заштита;
– Спроведува лиценцирање на стручните работници во дејноста социјална заштита;
– Спроведува активности за професионален развој на стручните работници во установи за социјална заштита и други даватели на социјални услуги;
– Врши проценка на потреби од континуирана професионална едукација на стручните лица во установите за социјална заштита и кај други даватели на социјални услуги и носи програма за континуирана професионална едукација по претходно мислење од Комисијата за одобрување програми за континуирана професионална едукација;
– Дава стручно мислење при изготвување на програми и стратегии за развој на социјалната заштита;
– Подготвува стандарди и процедури за работа на стручните лица во установите за социјална заштита и другите овластени даватели на социјални услуги;
– Води електронски регистар на одобрени програми за професионална едукација
– Донесува Етички кодекс за стручните работници во дејноста социјална заштита;
– Врши надзор над стручната работа на установите за социјална заштита и другите овластени даватели на социјални услуги;
– Спроведува супервизија во стручната работа во јавните установи за социјална заштита и на стручните лица во Агенцијата за вработување на Република Македонија–центри за вработување, а кои работат на водење на случај и соработуваат со стручните лица во центрите за социјална работа;
– Остварува стручна соработка со домашни и меѓународни експерти, релевантни институции и организации и
– Објавува стручни публикации во дејноста социјална заштита.
– Води регистар за лица осудени за кривични дела за сексуална злоупотреба на малолетни лица и педофилија.